য়ুম   |   অপাম্বা লোন  |   দাউনলোদ  |   FAQ  |   ঐখোয়দা তানবিয়ু ‍   |  Site Map  
 
 
Manipuri CD Cover
 
ভারতকী লোনশিংগী লেঙ্গুএজ তেক্নোলোজি
 
ভারতকী লোনশিংগী লেঙ্গুএজ তেক্নোলোজি – মীওইবশিংনা অমগা অমগা মওং কয়াদা ভিজুয়েল অমসুং ওদিওগী মতেংনা ঈপাউ ফাওনহল্লি. হৌজিক্কী মতমদা মীওইবগা মেসিনগা পাউ ফাওনদুনা থবক তৌমিন্নবা অসিগী মরুওইবা উপায় অসিদা মীওইবা ঐখোয়দগীদি মেসিনগী তৌবা ঙম্বা খুদোংচাবা অদুগী মখা য়াম্না পোল্লি. মাউস অমসুং কিবোর্দ অসিনা মরুওইবা ইনপুতকী দিভাইসনি অদুগা ভিজুয়েল দিসপ্লে য়ুনিত অসিনা আউতপুত দিভাইসনি. হায়রিবা ইন্তরফেস অসি তৌবা য়ানবা শেমগৎপদা অথোয়বা লৌশিং-গ্যান (স্কিল) অমসুং ৱাখলগী লোয়নজরকপা তৌবা ঙম্বা (মেন্তেল এপতিতুদ) অমা তঙাইফদে. হায়রিবা অসি মী অয়াম্বদা লৈতে.মসিগী মেসিন সেন্ত্রিক কোদ অসি হিউমেন সেন্ত্রিক ইন্তরফেস অমদা ওন্থোকপা য়াম্না মরুওই. অসুম্না তৌবনা কমপ্যুতরগী তৌবা ঙম্বা শক্তি অসি মীওইবা কয়ানা ফংবা ঙম্মী. ঐখোয়গী মীৎমাংদা লৈরিবা অসি উবদগী ফংবা ঙমলিবা ঈপাউশিং অসি য়াম্না কান্নবা অমা ওইরে হায়না থাজৈ. অদুম ওইনমক ঙাংদুনা তাহনবা অসিনা খ্বাইদগী লায়বা ঈপাউ অমা খঙহনবগী উপায় অমনি. কমপ্যুতর অমসুং তেলকোমগী পীরিবা খুদোংচাবা অসিদা মায় ওনশিনবদগী ৱারী-ৱাতায় তৌদুনা ঈপাউ ফাওনবা অসিনা য়াম্না অফবা অমা ওইরে. মসিগী মতেংদগী মীয়াম্না য়াম্না লাপ্না লৈরবসু কমপ্যুতর অমদগী ঈপাউ হেক্তা ফংবা ঙমলে. ৱারী-ৱাতায় তৌদুনা ঈপাউ ফাওনবা অসিদা নেচরেল লেঙ্গুএজ শিজিন্নৈ. মসিগী মরমদি ইনফোর্মেসন তেক্নোলোজিগী লমদা লিঙ্গুইস্তিক্সকী তঙাইফদবা অসি য়াম্না হেনগৎলক্লে. কমপ্যুতরদা হিউমেন সেন্ত্রিক ইন্তরফেস অসি নোংমগী চংদবা য়াদবা অমা ওইরে. মীওইবগী পীবিরম্বা অখন্নবা মগুন অমদি লোননি. লোন অসিগী য়াম্না শক্তি লৈরবা খুৎলাই (তুল) অসি শিজিন্নদুনা অতোপ্পশিংগা ইৱা-ৱাদনা ঈপাউ, ৱাখল লৌশিং ফাওদোক-ফাওজিন তৌই. নেচরেল লেঙ্গুএজ শিজিন্নদুনা মীওইবগা মেসিনগা থবক তৌমিন্নবদা হিউমেন লেঙ্গুএজ তেক্নোলোজিগী থৌওং কয়ামুক লৈ. খুদম ওইনা : স্পীচ () , স্পীচ অমসুং স্ক্রিপ্ত মশক তাকপা অমসুং খঙবা, মেসিন ত্রান্সলেসন তৌবা, তেক্স শেমগৎপা, স্পীচ অমসুং ইরিঙৈদা চিংদুনা পুরকপা স্ক্রিপ্তকী সিন্থেসিস তৌবা অসিনচিংবনি. মেসিনগা পাউ ফাওনদুনা থবক তৌমিন্নবদা লোন অমগী ঙাংবা অমসুং ইবগী মওং অনীমক চপ মান্ননা কান্নবা ওই. কমপ্যুতরদা ভারতকী লোনশিং শিজিন্নবা য়াবগী খুদোংচাবা ফংহনবা অসি চহী কুনগী মমাংদগীনি. হায়রিবা অসিদা দাতা প্রোসেসিং, ৱার্দ প্রোসেসিং, দেস্কতোপ পব্লিশিং অমসুং মখল কয়াগী প্লেতফোর্মশিং অমসুং ওপরেসন সিস্তেমশিংদা অসিগুম্বা মখলগী থবকশিং তৌবা য়াওই.
 
দিপার্তমেন্ত ওফ ইনফোর্মেসন তেক্নোলোজিনা ইনফোর্মেসন রিসোর্স পাম্বৈশিং শেমগৎ-শাগৎতুনা TDIL (তেক্নোলোজি দিভেলপমেন্ত ফোর ইন্দিয়ান লেঙ্গুএজেস) প্রোগ্রাম পায়খৎলে. মল্তিলিঙ্গুএলগী ওইবা লৌশিং-গ্যানগী পাম্বৈশিং (মল্তিলিঙ্গুএল নোলেজ সোর্স) অমসুং মখোয়বু শিজিন্নবা অমসুং লোনগী খেন্নবা থমদনা মীওইবগা মেসিনগা পাউ ফাওনদুনা থবক তৌমিন্নবগী খুদোংচাবা পীনবগী আশাগা লোয়ননা অনৌবা ব্রান্দগী পোত্থোকশিং অমসুং সার্ভিসশিং চাওখৎ খোংথাংদা য়াওহন্নবগীদমক হোৎনরি. লিঙ্গুইস্তিক তুলশিং খুদম ওইনা কোর্পোরা অমসুং দিক্সনারি শেমগৎ-শাগৎনবগীদমক অমসুং তঙাইফদবা ঈপাউগী পাম্বৈশিং খুদম ওইনা ফেন্তস, তেক্স ইদিতর, বানান য়েংশিনবা (স্পেল চেকর), OCR অমসুং তেক্সতগী স্পীচতা ওইন্থোকপা শেমগৎ-শাগৎনবগীদমক শেল (ফন্দ) কয়া খাক্তুনা থম্লি. স্তেন্দার্দ ওইবা মওংদসু শেমগৎলে.

ভারতকী লোনগী তেক্নোলোজিগী প্রদকশিং অমসুং সার্ভিসশিং শেমগৎ-শাগৎনবগীদমক্তা লৈবাক অসিগী তোঙান-তোঙানবা মফম কয়াদা পার্সনেল, পব্লিক অমসুং গভরমেন্তকী থাক্তা মওং কয়াদা হোৎনখি. লোনগী তেক্নোলোজিশিং লোয়ননা সোর্স সেন্তরশিং অমসুং কোইলনেত সেন্তরশিংদা শেমগৎ-শাগৎলিবা পাম্বৈশিং অসি শিজিন্নদুনা কান্নবা লৌনবা হোৎনবা অসি য়াম্না মরু ওইরে. অসুম্না তৌরবদি মখোয়শিং অসিগী কান্নবা অদুগী মতাংদা মীয়ামদগী ৱাফম কয়া ফংবা ঙমগনি. মসিগী মতুংদা ফোঙদোক্তুনা (প্রদকসন তৌদুনা) মীয়ামদা ফংহনবা ঙমগনি. রিসার্স এন্দ দিভেলপমেন্তনা সমাজ অসিবু অপুনবা ওইনা অফবা মায়কৈ অমদা শোয়দনা পুরক্কনি. মসিনা হায়রিবদি রিসার্স তৌবদা হোৎনখিবা পাঙ্গল লৌশিং ময়াম অদু লেবোর্তোরিদা তাদুনা লৈহনবগী মহুত্তা থুনা শিজিন্নগদবনি. মতুংদা মওং অসিদা শিজিন্নরিবশিংদগী অয়াবা অমসুং মখোয়গী শিজিন্নবদা থেংনবা অফ-ফত্তগী ঈপাউ ফংবা ঙমগনি. অসুম্না তৌরবদি অপাম্বগী মতুংইন্না কয়ামরুম শেমদোকপা য়াগনি.
 
  গভরমেন্ত অসিনা মখাগী প্রদকশিং অমসুং সোলুসনশিং অসি লাক্লিবা চহী অসিদা মীয়ামদা খুদোল তৌনবগীদমক মপুংফানা হোৎনরি:
   
  ভারতকী লোন পুম্নমক্কী মমল তিংদবা ফোন্তস (TTF অমসুং OTF) অমসুং ৱার্দ প্রোসেসর. অহানবা খোঙথাং ওইনা, মীয়ামদা মমল তিংদনা খুদোল তৌনবা আশাগা লোয়ননা, ত্রু তাইপ ফোন্তস, ক্লাসিকেল তামিল লোনদা মীয়াম্না খঙনরবা অসি পব্লিকেসন ইন্দস্ত্রিগা খন্নদুনা খল্লে. TTF ফোন্তস অসি ৱিন্দোজ 95/ ৱিন্দোজ 98/ ৱিন্দোজ NT প্লেতফোর্মস য়াওবা সিস্তেমশিংদা পাক-শন্না শিজিন্নরে. OTF (ওপন তাইপ ফোন্তস) অসি ৱিন্দোজ 2000/XP/2003 অমসুং লিনক্স প্লেতফোর্মশিংগীদকম পুথোরকপনি. মসি অসিগুম্বা মখলগী ওইনা অহানবা হোৎনজবনি অমসুং (মতম অসিগী ওইবা অমসুং অনৌবা) ৱার্দ প্রোসেসরশিংদা ফোন্তশিং অসি শিজিন্নবা য়াগনি. মসিগী হোৎনজবা মসিগী মহৈ ওইনা শিজিন্নরিবশিংনা ইনস্ক্রিপ্ত, ফোনেতিক অমসুং তাইপরাইতর কিবোর্দশিং শিজিন্নবা ফংগনি অমসুং দাতা ইন্ত্রি তৌনবগীদমক ফোন্তস কয়ামরুমসু ফংগনি.
   
  ভারতকী লোন পুম্নমক্কী ইনফোর্মেসন কয়া এক্সত্রেকসন, রিত্রিভেল অমসু নিউমরিকেলাইজেসন তৌনবা ওপতিকেল কেরেক্তর রিকোগনিসন (OCR). OCR না স্কেন তৌরবা কোপিশিং (নমথোক্লবা লামায়শিং স্কেনরগী মতেংনা স্কেন তৌই) শেমদোকপা য়াবা (ইদিত তৌবা য়াবা) তেক্সতা ওন্থোকই. অসুম্না তৌবনা তেক্স অসি অতোপ্পা এপ্লিকেসনশিংদা শিজিন্নবা অমসুং অপাম্বা মওংদা শেমদোকপা য়াই. পব্লিকেসন ইন্দস্ত্রি অসি মসিগী মরুওইবা বেনিফিসিয়রিনি, হায়রিবা অসিনা অমুক হন্না তাইপ তৌবগী অমসুং অনৌবা পব্লিকেসনশিং শেম-শাবগী OCR শিজিন্নবা য়াই.
   
  সিস্তেমগী স্পীচ ইন্তরফেস তৌবা খুদম ওইনা রেলৱেগী ঈপাউ, হকশেল কাংলোন, লৌউশিংউ, অকনবা খুদোংথীবদগী কন্নবা শিল্লাংবা (দিজাস্তর মেনেজমেন্ত) অমসুং অতোপ্পা মীয়ামগী কান্ননবা থবকশিংগীদমক শিজিন্নৈ. মসিনা মীয়ামদা খুমাংচাওশিল্লবা তেক্নোলোজিশিংগী কান্নবা অসি ফংহল্লি. স্পীচ ইনজিন অমনসু সিস্তেম অমগা পাউ ফাওনদুনা থবক তৌনবা অমসুং তেক্সতা ওন্থোক্তুনা ঈপাউ লৌথোক্নবা মীওইবগী ৱাঙাং (স্পীচ) মশক তাকপদসু শিজিন্নৈ. তেক্সতগী ৱাঙাং (স্পীচ) তা ওন্থোকপা অসি মীৎ উদবশিংদা তেক্স ওইনা লৈবশিং পাথোক্তুনা ইন্তরনেত্তগী ঈপাউ লৌনবা এপ্লিকেসনশিংদা শিজিন্নৈ.
   
  ইন্তরনেত এক্সেসকী পাম্বৈদি খুদম ওইনা ব্রাউজর, সর্চ ইনজিনস অমসুং ই-মেইলনি. মসিনা ভারতকী লোনশিংদা ই-মেইল থাবা ঙমহনগনি লোয়ন-লোয়ননা সর্চ ইনজিননা অতোপ্পা ভারতকী লোনশিংদা ঈপাউ থিবদা তেংবাং পীগনি. মসিগী মথক্তা, ভারতকী লোন অমদা হেক্তা ৱাহং হংবা য়াগনি.
   
ওনলাইন ত্রান্সলেসন সার্ভিস হায়বদি ভারতকী লোনশিংগা ইংলিশকা তৌবা ত্রান্সলেসননি. পাম্বৈ অসি শিজিন্নদুনা মীয়াম্না ইংলিশতা নত্রগা অতোপ্পা ভারতকী লোন অমদা ফংবা ঈপাউগী মচাক অদু অপাম্বা পান্দম ওইবা লোন (তর্গেত লেঙ্গুএজ) অমদা লোন হন্দোকপা (ত্রন্সলেসন) তৌবা ঙমগনি.
   
  TDIL দাতা সেন্তরশিংনা ওনলাইন হেলপদেস্কশিংগা লোয়ননা পোত্থোকশিং অমসুং সার্ভিসশিং পীরি. মখাগী অসিগী মতেংনা রিসার্স তৌবা, শেম-শাদুনা পুথোকপা, ইমপ্লোয়মেন্তদা পুক্নিং থৌগৎলদুনাঅমসুং TDIL-DC (লেঙ্গুএজ তেক্নোলোজি য়ুনিতি দিস্ত্রিবুসন চেনেল) গী তেংবাং পীবা তৌদুনা শেমগৎ-শাগৎলবা তেক্নোলোজিশিং কৈথেলদা ফংহল্লি. হায়রিবশিং অসি মিসন-ওরিয়েন্তেদ অমসুং অককনবা মতমগী ওইবা থবক তৌবগী গভরমেন্তকী ওইবা প্লান অমনি.
   
  স্তেতস হেনগৎহল্লি নত্রগা তেক্নোলোজিশিংদা শেমদোক-শাদোকপা তৌই মরম অদুনা মখোয়না পোত্থোকশিং শাবা (প্রদকশিং মেনিউফেকচর তৌবা) ঙমহল্লি.
   
  অনৌবা তঙাইফদবদা য়ুমফম ওইবা তেক্নোলোজিশিং শেমগৎপা
 
 
মথক্কীশিং অসি ফংবা ঙম্নবগীদমক্তা মখাগী খোঙথাংশিং অসি পায়খৎলে.
  a. ফেজ নাইনা লোনগী তেক্নোলোজিশিং/পাম্বৈশিং TDIL দাতা সেন্তরদগী য়েন্থোকপা
   
  b. শেমগৎ-শাগৎলবা পাম্বৈশিং, তেক্নোলোজিশিং, পোত্থোকশিং অমসুং সার্ভিসশিং লৌবা
   
   
  c. লোনগী তেক্নোলোজিগী লমদা গভরমেন্তনা হোৎনরিবশিং খঙহনবা অমসুং হৌজিক হৌজিক ফংলিবা পাম্বৈশিং অমসুং তেক্নোলোজিশিং মীয়ামদা শন্দোকপা অমসুং ফগৎহনবা.
   
  d. পাম্বৈশিং, কান্নবশিং অমসুং পোত্থোকশিং শিজিন্নরিবশিংদা মমল তিংদনা দাউনলোদ তৌবগী খুদোংচাবা পীবা.
   
  e. লোনগী তেক্নোলোজিগীদমক প্রাইভেত-পব্লিক পার্তনরশিপ তৌবদা পুক্নিং থৌগৎপা
   
  f. অখন্নবা এপ্লিকেসনগী লমদা মিসন তৌবা হৌবা.
   
 
 
 

Valid XHTML 1.0 Transitional